| ALAN
PLATT
SENIOR PASTOR & VISIONêRE LEIER:
DOXA DEO
Alan Platt funksioneer as ‘n transformasie agent beide in
individuele lewens, kerke in die omgewing sowel as strukture van
die samelewing. Hy is sedert 1983 in die voltydse bediening en
dien die kerk op verskeie vlakke. Hy het ‘n onbetwisbare
apostoliese roeping op sy lewe. Onder sy leiding as senior pastor
van Doxa Deo het ‘n sterk stadsbereikingsmodel tot stand
gekom. Hierdie plaaslike gemeente met ses verskillende kampusse
in Tswane en nou ook gemeentes in Kaapstad, Port Elizabeth en
Durban in Suid-Afrika, asook in London, Engeland. Hierdie gemeentes
funksioneer met spesialis bedieninge en beïvloed waardevormers
van die samelewing met aksies in die Kunste, Ekonomie, Sosiale
Opheffing, Opvoedkunde, Regering, Media en Sport. Die gemeente
het 11 jaar gelede begin en beïnvloed vandag die lewens van
meer as 8000 mense op ‘n weeklikse basis.
Alan het deur sy primêre
gawes van leierskap en lering nie net ‘n dinamiese span
in sy eie gemeente opgerig nie, maar hy beïnvloed ook ‘n
wye spektrum van denominasies en kerk netwerke in Suid-Afrika
en ook Internasionaal. Heelparty kerke in Suid-Afrika het hulleself
reeds met die Doxa Deo strategie en uitgangspunte verbind, deur
in verhouding met Doxa Deo te staan.
Alan is ook reeds na verskeie
konferensies reg oor die wêreld genooi om te bedien en om
oor leierskap in die kerk te praat. Hy word kragtig deur God gebruik
om die plaaslike liggaam te daag om as kerk meer effektief betrokke
by die gemeenskap te raak. Sy vermoë om net so gemaklik met
‘n klein groepe leiers as met ‘n groot gehoor te praat,
maak hom ‘n gewilde en gesogte spreker reg oor die wêreld.
Deur die apostoliese roeping op sy lewe is hy al deur God gebruik
om die kerk strategies in lyn te roep en veral om gemeentes te
fasiliteer om in die volgende vlak van effektiwiteit in te beweeg.
Sy invloed strek wyer as die kerk
na die beïnvloeding van die besigheidswêreld en die
gemeenskap.
Alan
is getroud met Leana en hulle het 2 kinders, Duncan (17) en Amy
(15). |
