Kinders is vir ons belangrik! By alle Doxa Deo kampusse word daar voorsiening gemaak vir kinderbediening tydens oggend Feesdienste. Kinders word in aparte lokale deur opgeleide personeel op hulle vlak bedien.

Alle fasiliteite beskik ook oor toegeruste, “Moederskamers / Babakamers”, waar ouers hulle kinders kan versorg tydens feesdienste. Vir meer inligting rakende spesifieke kampusse se kinderbediening, gaan gerus na die betrokke kampus se kinderbedieningbladsy.

Ons doel is om ‘n kinderbediening te vestig waar daar nie net Bybelse informasie gedeel word nie, maar waar koninkryksbeginsel lewendig gemaak word in hulle harte. Deur dit te bewerkstellig help ons kinders om ‘n stad te verander na ‘n plek waar God regeer.

Ons wil graag ouers ondersteun in hulle verantwoordelikheid om ‘n geestelike fondasie te vestig, binne God se tyd, wat sal bydrae tot ‘n volgehoue verhouding met God deur Jesus Christus.

Ons bediening na kinders tydens ons oggenddienste by elke kampus is een van die opwindendste bedieninge in Doxa Deo.