Die
woord “lidmaat” het ‘n bepaalde historiese agtergrond wat nie altyd
die hart van lidmaatskap vasvat nie en dus het Doxa Deo gaan soek
na ‘n meer relevante begrip. Die Bybel gebruik baie idiome wanneer
daar na die gemeente verwys word soos onder ‘n liggaam, ‘n gebou of
‘n familie.
Die
kernbeginse in elkeen van hierdie is dat deelname aan die gemeente,
totale betrokkenheid impliseer. 'n Mens kan nie deel vorm van ‘n liggaam
(soos ‘n vinger aan ‘n hand) en tog geïsoleerd van die liggaam
funksioneer nie. ‘n Hedendaagse begrip, wat hierdie totale betrokkenheid
impliseer is die begrip “Vennootskap (Partnership)”.
Vennootskap
sê dat jy nie net belang by die Kerk het nie, maar betrokke
is en erken dat jy ‘n bydrae het om tot die kerk te lewer. Ons verwys
dus na lidmaatskap as Vennootskap. God het gekies om hierdie wêreld
te verander deur Sy Kerk. Dit is duidelik dat God nie ‘n Plan B het
nie. Om
hierdie rede is vennootskap met die Kerk so belangrik: God werk nie
met een van ons geïsoleerd nie. Handelinge 2:47 sê God
het tot die gemeente bygevoeg. Hierdie woord “bygevoeg” beteken letterlik
“to set you in place to your advantage”. Doxa Deo, as een van die
uitdrukkings van God se Kerk begeer om met mense in vennootskap te
tree.
